GAMEBOX од Куманово го најави третото издание на својот Counter-Strike 2 турнир, кој ќе се одигра во два дела, онлајн квалификации и LAN завршница.
Квалификациите се закажани за 27 и 28 јуни, а ќе се играат онлајн преку FACEIT. Според најавениот формат, турнирот ќе биде ограничен на максимум 24 екипи, поделени во 4 групи по 6 тима, каде што натпреварите ќе се играат во round robin систем.
Најдобрите 8 екипи од квалификациите ќе обезбедат пласман на LAN завршницата, која ќе се одржи на 5 јули во просториите на GAMEBOX во Куманово. Финалниот дел ќе се игра во single elimination формат.
Котизацијата за учество изнесува 3.000 денари по тим, додека наградниот фонд дополнително ќе биде објавен од страна на организаторите.
Пријавувањето е отворено преку директна порака до GAMEBOX.
Со ова, GAMEBOX продолжува со организација на локални CS2 настани, а третото издание носи комбиниран формат со онлајн квалификации и LAN завршница за најдобрите екипи.
