Во Скопје се подготвува вечер за вистинските љубители на fighting игрите. На 20 јуни 2026, со почеток од 19:30 часот, во Inferno Gaming Club ќе се одржи турнир во две наслови кои носат различна, но подеднакво жестока енергија — Street Fighter 6 и легендарниот Def Jam: Fight for NY.
Настанот ќе се игра во просториите на Inferno Gaming Club, лоциран на Варшавска 14, Скопје, а учесниците ќе имаат можност да се натпреваруваат во една или во двете игри. Котизацијата изнесува 100 денари по игра, при што собраните средства влегуваат во наградниот фонд за победниците.
Две игри, два шампиони и многу борба
Street Fighter 6 ја носи модерната fighting сцена со технички дуели, брзи реакции и чиста контрола под притисок, додека Def Jam: Fight for NY ќе ги врати играчите во една од најкултните аркадни боречки игри, каде секој меч може да заврши со хаос, стил и многу нерви.
Турнирите во двете игри ќе се играат во BO3 формат, што значи дека секој дуел ќе бара концентрација, адаптација и стабилна игра до самиот крај.
Награди за победниците
Победниците во Street Fighter 6 и Def Jam: Fight for NY ќе добијат:
- парична награда од prize pool;
- Red Bull пакет;
- ваучер за целодневен gaming за две лица во Inferno Gaming Club;
- трофеј;
- 3D принтана фигура од играта во која победиле.
Дополнително, турнирот ќе може да се следи и во живо на Twitch каналот на Inferno Gaming Club.
Со комбинација од модерна fighting сцена, old-school класика и LAN атмосфера, овој турнир е одлична можност за играчите да покажат кој има најдобри рефлекси, најдобар timing и најладна глава кога мечот ќе стане тесен.
