Spirit, HEROIC и South America Rejects ќе им се придружат на BetBoom, Aurora, PARIVISION, Falcons и Liquid во четвртфиналето на PGL Wallachia Season 8.
Вчера вечер се одиграа последните натпревари од групната фаза на PGL Wallachia Season 8. Меѓу успешните екипи што продолжуваат понатаму е и South America Rejects кои го забележаа својот прв значаен успех откако се разделија со paiN Gaming. Екипата од Перу ја заврши групната фаза со три победи и два порази, а клучниот натпревар го одигра против MOUZ со резултат 2-1.
Со слични резултати завршија и Spirit и HEROIC, кои ги совладаа XTREME Gaming и GamerLegion за пласман во следната фаза. Spirit славеше со 2-0, иако серијата против кинеската екипа беше многу неизвесна и можеше да заврши и во корист на XTREME. Од друга страна, HEROIC успеа релативно лесно да ги надмине GamerLegion.
Останатите екипи што ќе настапат во четвртфиналето се BetBoom, Aurora, PARIVISION, Falcons и Liquid. BetBoom и Aurora беа првите што го обезбедија пласманот со три победи и без пораз, додека PARIVISION, Falcons и Liquid со три победи и еден пораз им се приклучија на двете руски екипи во наредниот ден.
Во спротива, нашиот Saksa и неговиот тим Team Yandex не успеаја да обезбедат пласман во четвртфиналето и завршија на последното место. Yandex по вторпат настапуваше на PGL Wallachia со замена, но тие не успеаа да ја вратат формата што им ја донесе титулата во претходната сезона.
Натпреварите од четвртфиналето веќе се започнати од 9 часот денеска со дуелот помеѓу PARIVISION и South America Rejects, по што ќе следуваат Aurora – HEROIC, Liquid – Falcons и BetBoom – Spirit.
