BetBoom убедливо ги победија Aurora со резултат 3-0 во големото финале на PGL Wallachia Season 8. Руската екипа изгуби само три мапи низ целиот турнир и ја освои својата прва титула во 2026 година, како и прва титула по успехот на PGL Wallachia Season 5.
BetBoom го започна турнирот со успешна групна фаза во која ги доби сите свои натпревари за да обезбеди пласман во следната фаза. Без поголеми проблеми ја совладаа својата прва пречка, Spirit со убедлива победа од 2-0. Во полуфиналето на горниот брекет против Liquid, BetBoom го загубија првиот меч, но не им дозволија на победниците на BLAST Slam VI да ги добијат следните два меча и продолжија до финалето на горниот брекет, каде што ги пречекаа Aurora.
Двете екипи одиграа тесен прв меч кој на крајот го доби BetBoom. Откако Aurora убедливо го доби вториот меч, BetBoom го спречи пресвртот и се пласира во големото финале, каде повторно ја дочека Aurora откако таа ги совлада Falcons во финалето на долниот брекет. Во големото финале BetBoom беше доминантен и не им дозволи на Aurora во ниту еден момент да се приближат до победа.
gpk го предводеше одличниот настап на BetBoom со своите клучни и конзистентни партии низ турнирот, додека Kiritych исто така имаше солидни моменти и го освои својот прв Tier-1 трофеј во кариерата. Екипата сега ќе се подготвува за настап на DreamLeague Season 29, кој започнува на 13 мај.
