dan1 и Atreides со 2-0 ги победија CacaNito и JijieHao во финалето на XP Game Fest CS2 Finals. За Atreides ова претставува прва LAN титула за екипата која се формираше пред три месеци.
Atreides го започнаа настапот во Приштина со натпревар против ENCE во четвртфиналето. Новиот млад состав на ENCE го немаше искуството кое го поседуваа Atreides и беа лесно совладани со 2-0. Во полуфиналето ги чекаше натпревар против EAC, поранешниот AaB Esports. Данската екипа ја доби првата мапа, но Atreides успеаа со пресврт да ја победат серијата 2-1 и да стигнат до финалето каде што ги чекаше JijieHao.
Екипата на CacaNito успешно ги совлада FromPR и Basement Boys во четвртфиналето и полуфиналето, но на крајот поуспешни беа Atreides со 2-0. Победата на XP Game Fest CS2 Finals ќе претставува голем скок на VRS ранг-листата за Atreides, кои напредија 30 места и сега се наоѓаат на 122. позиција според проценките на HLTV. Честитки и до организаторот XPortal, кои успешно го организираа првиот меѓународен VRS LAN турнир во Косово.
Што се однесува до последниот македонски претставник на турнирот, 2high настапи на својот прв LAN турнир со UNiTY, но мораа да играат со замена и не успеаа да ги победат Basement Boys во четвртфиналето.
