Заедницата на League of Legends изјасни големо незадоволство откако Riot Games воведе значајни промени со цел да ја намали количината на бесплатни награди во играта, а конкретно, со отстранувањето на бесплатните Hextech ковчези.
Зошто ги отстрануваат Hextech ковчезите?
Бесплатните Hextech ковчези беа главен начин за отклучување скинови во League of Legends, но со времето големиот број на бесплатни скинови доведе до намален интерес за купување нови. Играчите веќе не чувствуваа потреба да трошат пари, што резултираше во намалени приходи за Riot Games. Компанијата објаснува дека, иако бесплатните скинови беа позитивни за заедницата, тие не беа во интерес на долгорочно одржување на финансиите.
Како резултат на ова, Riot работи на нов модел на награди кој ќе ги задоволи потребите на играчите, а истовремено ќе обезбеди приходи за понатамошниот развој на играта.
Одговорот на заедницата
Во последните недели, одлуката на Riot Games да ги отстрани Hextech Chests од играта предизвика значителен револт меѓу играчите, а тие јавно го изјаснија своето незадоволство.
Протестот не започна како официјален бојкот, туку се прошири спонтано преку социјалните мрежи. Играчите ги поплавија објавите на Riot со барања за враќање на Hextech ковчезите, без разлика на тоа што беше темата на самата објава. Twitter, Reddit и YouTube беа преполни со коментари како:
„Каде се моите Hextech ковчези?“
„Вратете ги бесплатните ковчези!“
„Зошто имам клучеви ако немам ковчези да отворам?“
На почетокот, ова прашање беше засенчено од други проблеми, како погрешната пресметка на Blue Essence, што Riot брзо ја призна. Но, кога Riot ги игнорираше поплаките за Hextech ковчезите, незадоволството се зголеми значително.
Што ќе се случува понатаму?
Без одговор од Riot, не е јасно како ќе се реши оваа ситуација. Сепак, она што ја прави оваа ситуација поразлична од претходните бојкоти, е тоа што голем дел од заедницата е инволвирана.
Ако Riot превземе соодветни мерки да го реши проблемот, тоа ќе биде историски момент кој ќе докаже дека заеднички поттикнатото движење може да доведе до вистински промени во League of Legends. Без разлика дали Riot ќе ги врати Hextech ковчезите или ќе понуди некоја алтернатива, оваа контроверзија веќе остави длабок, траен ефект врз играчите.
