Counter-Strike 2 2025-та сезоната е веќе во полн тек, со IEM Katowice и BLAST Bounty Spring 2025 веќе завршени. Многу одлични играчи веќе оставија свој белег на сцената, со своите клучни потези. Ви ги издвојуваме најдобрите пет играчи што треба да ги следите во текот на сезоната.
Данил „Donk“ Кришковец
Не е изненадување за никого што еден од играчите што треба да се следат оваа година е Donk, кој беше прогласен за дебитант и играч на годината за 2024-та на HLTV Awards. Овие две престижни награди го направија многу популарен, а некои аналитичари ја нарекоа оваа година за “божја година” за рускиот играч.
Неговата неверојатна способност за совршени фрагови и снаодливост ги остави коментаторите без зборови и ги воодушеви гледачите низ текот на 2024 година. 2025 година започна одлично за Donk со победа на BLAST Bounty Spring 2025 и второ место на IEM Katowice 2025.
Матју ‘ZywOo’ Хербаут
Zyw0o не можеше да има подобар почеток на годината освојувајќи го IEM Katowice 2025 со Team Vitality по долги години. Од неговото деби во 2018 година, ZywOo се смета за еден од најдобрите Counter-Strike играчи во светот.
Со последната победа францускиот играч се изедначи со легендата Олександр „s1mple“ Костилиев во однос на МВП титули со вкупно петнаесет. Zyw0o е еден од играчите што треба внимателно да се следи бидејќи како што најави, 2025 ќе биде негова година.
Илја „m0NESY“ Осипов
Дебитант на годината во 2022 година и AWP како главна улога, m0NESY е спремен за секој предизвик заедно со неговиот тим, G2 во 2025 година. Почетокот на годината не е феноменален за рускиот играч по освоеното трето место и лошата изведба на IEM Katowice 2025. Но, ако остатокот од 2025 е сличен на 2024, m0NESY ќе има многу изненадувања.
Дмитриј „sh1rо“ Соколов
2024 година за sh1ro измина во сенка на неговиот соиграч Donk. Сепак изведбата на Donk немаше да биде толку значителна без мајсторството на sh1ro со неговиот снајпер.
Неговиот настап е секогаш од големо значење, па така лошиот настап на неговиот тим на BLAST Premier: World Final 2024 се должи на неговата лоша форма. 2025 sh1ro ја започна со победа на BLAST Bounty Spring 2025 и беше клучен играч за тој успех.
Валериј „b1t“ Ваховскиј
Со освојувањето на Светскиот еспорт куп, тимот на b1t, Na’Vi, беше прогласен за најдобар тим за 2024 година од страна на HLTV Awards. Нај заслужен за тоа секако беше b1t поради неговата феноменална конзистентност.
Неговите изведби на LAN турнирите сеуште не се на највисоко ниво но оваа година b1t ќе има можност тоа да го промени. Годината започна добро освојувајќи четврто место на BLAST Bounty Spring 2025 и IEM Katowice 2025.
