Македонската еспорт сцена имаше можност да се натпреварува на повеќе турнири на SETEC ARENA 2026, на кои беа прогласени четирите шампиони во Counter-Strike 2, Dota 2, EA SPORTS FC27 и Tekken 8.
Шампион во Counter-Strike 2 беше екипата на NADE, кои со победа од 2-0 ја совладаа екипата на legiaSK. NADE го започна својот настап на турнирот со убедливи победи над Momentum и SOKOLANCI, додека против EEBUM мораа да направат пресврт од 0-6 до 13-10 за да го обезбедат пласманот во финалето.
Во Dota 2, GAMEBOX убедливо ги совладаа своите противници на патот до првото место. Екипата, во чиј состав настапуваа четворица македонски репрезентативци што ќе патуваат во Бантен на Светското првенство 2026, лесно се справи со Bromingos и Akatsuki, а во финалето ги совлада и Agenti.
Botovi беа прогласени за шампион во EA SPORTS FC27 по победата над JP Morgan. Третото место го освоија Rufce, кои беа поуспешни од Karposh во натпреварот за бронзата.
Во Tekken 8, RFD Spades се истакна како најдобар играч, победувајќи го Dekopara во финалето. RFD Spades ја освои титулата со само три загубени меча во текот на турнирот, додека во натпреварот за третото место поуспешен беше Blyatmir!, кој го совлада The Smoothie.
Конечните пласмани за сите турнири:
- Counter-Strike 2
- 1. место – NADE
- 2. место – legiaSK
- 3-4. место – GG-GaminG
- 3-4. место – EEBUM
- Dota 2
- 1. место – GAMEBOX
- 2. место – Agenti
- 3-4. место – Akatsuki
- 3-4. место – Dead by God
- EA SPORTS FC27
- 1. место – Botovi
- 2. место – JP Morgan
- 3. место – Rufce
- 4. место – Karposh
- Tekken 8
- 1. место – RFD Spades
- 2. место – Dekopara
- 3. место – Blyatmir!
- 4. место – The Smoothie
