PGL објави дека следниот Counter-Strike 2 Major ќе се одржи во Сингапур, што ќе биде првпат овој престижен настан да гостува во Југоисточна Азија. Турнирот е закажан за периодот од 24 ноември до 13 декември 2026 година.
PGL Major Singapore 2026 ќе има 32 тима, задржувајќи го истиот број на учесници како и претходните Major турнири, а вкупниот награден фонд ќе изнесува 1.25 милиони долари.
Последните четири дена од турнирот, од четврток 10 декември до недела 13 декември, ќе бидат отворени за публика во Singapore Indoor Stadium. PGL исто така откри и новина во форматот, натпревар за третото место, кој ќе се игра на последниот ден од настанот, пред големото финале.
Ова дополнително натпреварување му дава уште поголема тежина на завршниот ден од турнирот, овозможувајќи им на тимовите уште една шанса да стигнат до подиум и да ја заокружат својата Major приказна со висок пласман. – Изјавија од PGL.
Организаторот потврди дека пласманот на тимовите ќе се определува според Valve Regional Standings (VRS), чиј пресек е закажан за 2 ноември.
