Погледнувајќи наназад, неколку големи настани во 2024 привлекоа внимание на еспорт фанатиците ширум светот. Од регионални лиги како што е LCK во Јужна Кореја до огромни спектакли во FPS, MOBA и мобилни игри, еспортот процвета од перспектива на гледаност.
Составивме список на топ 10 најгледани еспорт настани за 2024 година, според податоците од платформата за еспорт податоци и гледаност Esports Charts. Овој список не ги вклучува кинеските гледачи, како и податоците од Facebook Gaming и battle royale игрите.
Треба да се напомене дека ова е последниот список пред значајните промени во екосистемите на League of Legends и Counter-Strike. Во случајот со League of Legends, постои целосно нов меѓународен настан што ќе се одржи оваа година, кој сигурно ќе привлече значителна гледаност.
10 – VCT Masters Маdrid
VCT Masters Маdrid 2024, кој се одржа рано во 2024 година, беше најпопуларниот VALORANT настан на сезоната. Со повеќе гледачи од финалето на Светското првенство, настанот во Мадрид достигна врв од 1,68 милиони гледачи. Ова го прави најпопуларниот VALORANT настан во историјата.
Популарноста на VCT Masters Маdrid 2024 покажува дека VALORANT стабилно расте и се приближува кон тоа да стане најгледаната FPS игра во светот.
9 – LCK Regional Finals 2024
Последниот настан од сезоната на LCK 2024, Регионално Финале (the Regional Finals), се одржа во септември 2024, непосредно пред Светското првенство во League of Legends. Настанот, што го освои Dplus KIA, забележа импресивни 1,82 милиони гледачи.
Растот на франшизираната лига на Јужна Кореја не може да се потцени во 2024 година, бидејќи оваа година , регионалното финале ги надмина претходните изданија. Вториот највисок врв на гледаност беше во 2020 година, кога привлече нешто повеќе од 1 милион гледачи.
8 – PGL Major Copenhagen 2024
Единствениот настан од CS2 на оваа листа, PGL Major-от беше првиот Major што се одржа во CS2 по прелазот на Counter-Strike на новата игра кон крајот на 2023 година. Major-от го освои украинскиот тим NAVI и беше четвртиот најгледан Counter-Strike настан во историјата. Настанот е зад два други Major настани организирани од PGL — Antwerp 2022 (2,1 милиони гледачи) и Stockholm 2021 (2,74 милиони гледачи).
PGL Major Copenhagen 2024 забележа гледаност од 1,85 милиони гледачи, правејќи го по гледан од настани како 2023 Blast.tv Paris Major и 2022 IEM Rio Major.
7 – MPL Indonesia Season 13
До сега, еспорт фанатиците треба да припазат на Mobile Legends: Bang Bang. Мобилната MOBA не само што расте, туку има една од најголемите публики во еспорт светот.
Првиот од неколкуте настани на оваа листа, франшизираната индонезиска лига, забележа импресивен број на гледачи во својата 13-та сезона и е првиот настан на оваа листа што го надмина бројот од два милиони гледачи. Со 2,25 милиони гледачи кои ја следеа битката помеѓу Fnatic ONIC и EVOS Glory, можеби е изненадувачки што оваа сезона е само петтата најпопуларна сезона на MPL Indonesia.
6 – EWC X MLBB Mid Season Cup 2024
Главниот настан за MLBB на Esports World Cup 2024 беше Mid Season Cup. Слично на другите наслови што беа дел од EWC, турнирот ги собра најдобрите тимови од повеќе региони кои се натпреваруваа во Ријад за значителен награден фонд. Со 2,38 милиони гледачи, Mid Season Cup беше општ успех и даде голем поттик на вкупната гледаност на EWC.
5 – LCK Spring 2024
Враќајќи се на Јужна Кореја, LCK Spring 2024 беше многу по популарен во однос на LCK Summer 2024, со гледаност од 2,65 милиони гледачи.
Интересно е што ова беше уште еден настан каде што конечно победниците на Светското првенство во League of Legends, T1, беа поразени во големото финале. Сепак, само присуството на тимот даде огромен поттик за гледаноста на турнирот.
4 – Mid-Season Invitational 2024
League of Legends продолжи да соборува рекорди оваа година, со својот доста познат Mid-Season Invitational турнир, MSI, кој достигна врв од 2,82 милиони гледачи. Ова го прави најпопуларното издание на MSI во историјата и седми најгледан настан во историјата на League of Legends. Турнирот се одржа во Ченгду, Кина, а победник беше Gen.G.
3 – MPL Indonesia Season 14
MPL Indonesia Season 14 беше многу по популарен настан од претходниот, кој се одржа на почетокот на годината. MPL Indonesia Season 14 достигна гледаност од 4 милиони гледачи, речиси двојно повеќе од Сезона 13. Новата сезона исто така имаше два различни финалисти, Team Liquid ID и RRQ Hoshi.
2 – M6 World Championship
Со само 120.000 гледачи повеќе од MPL Indonesia Season 14, Светското Првенство на Mobile Legends: Bang Bang, M6, ја зазема втората позиција со 4,13 милиони гледачи. Интересно е што M6 забележа понизок број на гледачи отколку настанот од минатата година, кој имаше повеќе од 5 милиони гледачи.
M6, и Mobile Legends: Bang Bang генерално, докажуваат дека мобилните игри непречено растат, особено во Југоисточна Азија каде што сцената е најсилна.
1 – 2024 League of Legends World Championship
Светското Првенство во League of Legends повторно е најпопуларниот еспорт настан на годината и исто така најпопуларниот настан во историјата на еспортот.
Esports Charts започна да собира податоци за гледаност во 2017 година, и Worlds бил најгледаниот настан секоја година освен 2021, кога Free Fire World Series го зазеде првото место. Со врвна гледаност од 6,91 милиони гледачи, најголемиот турнир во светот на еспортот повторно докажа дека е непобедлив по број на гледачи. Турнирот имаше околу 500.000 повеќе гледачи од изданието во 2023 година.
