Vitality со 3-0 над NAVI во финалето на BLAST Rivals 2026 Fort Worth ја освои петтата последователна титула. На уште еден турнир, тие се прикажаа како една од најдоминантните екипи што некогаш настапувале на Counter-Strike сцената.
На Nuke, NAVI имаше доминантно прво полувреме и водеше со 11-1, но преку одличните настапи на flameZ и mezii, Vitality успеа целосно да ја сврти мапата која на крај заврши со резултат 16-12.
На Anubis следеше тесна борба меѓу двете екипи, но Vitality на крај успеа да победи со 13-11 и да дојде на само една мапа до титулата. На Dust2, преостанатата сила на NAVI исчезна, а со доминантна победа од 13-3, Vitality ја освои својата петта титула во 2026 година.
Одличниот настап на Vitality беше заокружен со нова индивидуална награда за ZywOo. Французинот оствари 1.34 HLTV 3.0 рејтинг низ сите одиграни мапи и беше прогласен за најдобар играч на турнирот.
Vitality сега се подготвува за IEM Atlanta 2026, кој ќе им биде последен турнир пред почетокот на IEM Cologne 2026 Major. Доколку ја освојат и титулата во Џорџија, Vitality ќе го изедначи својот рекорд по број на освоени трофеи во едно полугодие, исклучувајќи ја Major титулата.
