Вчера заврши првата фаза на IEM Cologne 2026 Major, со која беа одредени осумте екипи кои ќе продолжат во втората фаза. Меѓу нив се и TYLOO, FlyQuest и BIG, кои го потврдија својот пласман на последниот ден.
Првиот натпревар беше кинеското дерби помеѓу TYLOO и Lynn Vision. TYLOO успеаа убедливо да го совладаат својот ривал благодарение на одличниот настап на дебитантот Zero. Оваа победа беше нивна трета по ред откако првиот ден го започнаа со два порази против B8 и MIBR.
Следниот натпревар беше помеѓу две екипи кои тешко успеваа да се докажат оваа сезона, Liquid и FlyQuest. Иако Liquid беа големи фаворити во овој натпревар, тие се прикажаа слабо против австралиската екипа на FlyQuest, која им дозволи само девет рунди низ Anubis и Inferno.
BIG и NRG го одиграа последниот натпревар од првата фаза. NRG беа во одлична позиција да ја добијат серијата откако стигнаа до водство од 12-0 на Mirage, но германската екипа покажа поголема желба за победа и направи невиден пресврт за триумф од 16-12.
Другите екипи кои обезбедија пласман во втората фаза на IEM Cologne 2026 Major се B8, BetBoom, M80, MIBR и GamerLegion. Тие ќе им се приклучат на Astralis, 9z, FUT, paiN, G2, Monte, Spirit и Legacy, кои директно се квалификуваа за втората фаза на Major турнирот.
