Со цел да се поттикне и заживее домашната еспорт сцена, esports.mk го најавува првиот CS2 Wingman Weekend Cup, кој ќе се одржи на 7 и 8 февруари. Овој турнир го означува почетокот на нов викендашки формат, наменет за сите љубители на брзи, динамични и компетитивни 2 vs 2 мечеви.
Првиот куп ќе се одржи на 7 и 8 февруари, а во зависност од интересот и учеството, форматот ќе се развива и во други насоки.
Во наредниот период се планира проширување и во други игри и формати, вклучувајќи 1 vs 1, 5 vs 5, како и турнири со партиципација.
Датум и распоред
7 и 8 февруари
- Доколку има до 64 екипи, турнирот ќе се одигра само во сабота, со почеток во 12:00 часот
- Доколку има повеќе од 64 екипи, турнирот ќе продолжи и во недела, со почеток во 20:00 часот
Правила за учество
- Регионална ограниченост: Европа
- Ограниченост по држава: Само за играчи од Македонија (Задолжително македонско знаме на FACEIT профилот)
- Проверка на локација: Да (IP адресата мора да биде од Македонија)
ЛИНК до целосните правила на турнирот.
Награден фонд
Турнирот ќе има наградeн фонд во FACEIT поени, распределен на следниов начин:
🥇 1во место: 4.000 FACEIT поени
🥈 2ро место: 2.000 FACEIT поени
🥉 3–4то место: 1.000 FACEIT поени
Пријавување и информации
Пријавувањето за турнирот се врши преку овој ЛИНК, како и директно преку ESPORTSMK страницата на FACEIT. Дополнителни информации, детали за форматот и ажурирања поврзани со турнирот се достапни директно во самиот FACEIT турнир.
Со стартот на CS2 Wingman Weekend Cup, esports.mk прави уште еден чекор кон поактивна, поврзана и одржлива еспорт заедница. Возбудени сме и мотивирани што повторно отвораме простор за натпреварување, дружење и развој на домашната сцена, и со нетрпение ги очекуваме првите изданија од овој формат.
Воедно, esports.mk активно бара волонтери кои сакаат да се вклучат во организацијата и реализацијата на идните турнири и настани. За сите заинтересирани за еспорт организација, продукција и турнирско работење, ова претставува можност за стекнување искуство, кое во иднина може да прерасне и во професионален ангажман.
