CacaNito е назначен како замена во SINNERS во случај ако некој играч од почетниот состав нема да може да настапува на IEM Cologne Major 2026.
25-годишниот rifler ќе патува со чешката организација до Германија, но ќе настапува ако еден од stressarN, beastik, SHOCK, MoDo или kisserek нема да се во можност да играат. Ако ја има таа можност, тој би настапил на Major за втор пат во неговата кариера по неговиот настап за Apeks на PGL Copenhagen Major 2024.
Иако CacaNito досега нема најдено нов тим откако спогодбено го раскина договорот со BC.GAME, тој има настапено претходно како замена во SINNERS на CCT Season 3 Europe Series 16 против los kogutos кога stressarN не беше достапен.
Stage 1:@heroicgg @SINNERS_Esports @M80gg @nrgcs2 pic.twitter.com/isG0KhHMZK
— ESL Counter-Strike (@ESLCS) April 22, 2026
ESPORTS.MK го праша CacaNito за неговите чувства пак да се биде дел од екипа која ќе настапува на еден од најголемите турнири во еспорт сцената, а тој ни кажа:
Со голема чест ја прифатив поканата повторно да им се приклучам на момците од Sinners како замена за IEM Cologne Major. Веќе имав можност еднаш да играм со тимот и тоа беше навистина позитивно искуство.
Верувам дека повторно можеме да изградиме одлична енергија и да го дадеме максимумот на турнирот. Благодарен сум за довербата и поддршката и ќе направам сè што е во моја моќ да придонесам за успехот на тимот.
IEM Cologne Major 2026 ќе почне од 2 јуни, а SINNERS моментално се натпреваруваат на Conquest of Prague 2026 и се спремаат за настап на LONGAR Rankings Season 1 и IEM Atlanta 2026.
