Стигна крај и на втората рунда на BLAST Bounty 2026 Season 2, во која беа потврдени осумте екипи што ќе продолжат во LAN фазата на турнирот.
Меѓу екипите што ќе продолжаат понатаму се Spirit, како единствениот ростер рангиран во топ 10 на светот, MongolZ, кои солидно се прикажаа по додавањето на новите засилувања, и FaZe, кои продолжуваат да градат форма за повторно да се вратат меѓу екипите што добиваат редовни покани за Tier-1 турнирите.
Ним ќе им се придружат и екипите на Liquid, 3DMAX, Astralis, MOUZ и paiN. Liquid ќе може да се пофали со уште една клучна победана турнирот над G2, додека Astralis одигра тесна серија против руската екипа HOTU. MOUZ ја совлада FOKUS во две мапи, paiN полесно ја надмина Ninjas in Pyjamas, а 3DMAX постигна уште еден добар резултат против FUT.
Четвртфиналните двојки ќе бидат одредени на 29 јули во Малта, каде што 3DMAX, Liquid, paiN и FaZe ќе добијат можност да ги изберат своите противници за натпреварите што ќе се одиграат наредниот ден.
