Стигна крајот на групната фаза на Esports World Cup 2026, по која се познати сите 16 екипи кои ќе настапуваат во плејоф фазата.
На последниот ден, речиси сите фаворити успеаја да ги победат своите натпревари. Vitality им дозволи на Lynn Vision да освојат само седум рунди низ текот на нивната серија, додека MongolZ лесно го совладаа paiN со резултат 2-0.
На бразилското дерби помеѓу Legacy и MIBR, поуспешни беа Legacy, кои одиграа тесна серија низ две мапи, додека настапот на Spinx беше клучен за победата на MOUZ против PARIVISION.
Најинтересните натпревари од последниот ден беа помеѓу magic–9z и Astralis–NiP. Младата екипа на magic повторно успеа да ја победи јужноамериканската постава на 9z во реванш од четвртфиналето на PGL Astana 2026, додека Astralis можеа да се пофалат со одличниот настап на Staehr во тесната серија против NiP.
Плејоф фазата започнува во среда, а меѓу најинтересните натпревари е средбата помеѓу актуелниот Major шампион Falcons и актуелниот шампион на Esports World Cup, MongolZ. На останатите натпревари ќе се одиграат реваншот помеѓу Aurora и FURIA од IEM Cologne 2026 Major, како и натпреварот помеѓу финалистите на Starladder Budapest 2025 Major, FaZe и Vitality.
