ESPORTS.MK

Три регионални еспорт федерации ја формираа Адриа Еспорт Федерацијата

Три регионални еспорт федерации ја формираа Адриа Еспорт Федерацијата
јуни 10
17:38 2021

Македонската Еспорт Федерација, заедно со еспорт федерацијата на Босна и Херцеговина и Федерацијата за електронски спортови на Црна Гора ги поставија темелите на АЕФ а кон крајот на летото ќе се приклучат федерациите на Хрватска, Србија, Косово и Албанија. За претседател на АЕФ е избран Бобан Тотовски, кој воедно е и претседател на МЕСФ и Генерален Секретар на Интернационалната Еспорт Федерација ИЕСФ.

Главната цел и мисија на АЕФ е целосното унапредување на еспорт структурата, подобрување на условите за младите играчи и отстранување на сите предрасуди за еспортот и видео игрите во регионот.

Федерацијата ја формиравме за да ни помогне во развивање на еспортот и целиот еко систем во регионот, но и за едукација и правилен развој на играчите. Поединечно сите држави сме мали и недоволно развиени, но со создавање на оваа унија ќе бидеме релевантен фактор во Европа и во светот

– напомена Тотовски.

До 2024 година, глобално, гејмингот ќе стане веќе и олимписки спорт, а од 2028 година сигурно ќе биде и олимписка дисциплина која ќе се интегрира во Олимписките игри. Ако не верувате може слободно да ги погледнете фудбалските и кошаркарските федерации, ФИФА веќе вложува огромни средства за организација на европско првенство во PES ( про еволушн сокер) , а во истиот правец се движи и ФИБА

– кажа Шоќ.

Претседателот на еспорт федерацијата на Босна и Херцеговина- Анте Шаравања, истакна, колку еспортот е од голема важност за микро и макро економскиот развој во регионот и колку еспорт сцената претставува значаен катализатор во целиот процес. Шаравања исто така спомена дека промоцијата и економскиот развој се дел од агендата на АЕФ.

Во 2020 година, се регистрирани преку 2.5 милјарди играчи и тој број продолжува да расте. Поради ситуацијата со пандемијата повеќето натпревари и шампионати се одржуваа онлајн, што е огромен показател дека еспортот е , условно кажано „отпорен“ на надворешните фактори кои имаат директни импликации на останатите спортови. Цврсто верувам дека еспортот е иднината и искрено сакаме да создадеме услови каде што еспортот во регионот ќе го развиваме заеднички

– кажа Шаравања.

© ESPORTS.MK. Сите права се задржани.

Содржината на оваа објава не смее да се копира, печати, менува или објавува без претходно одобрение од редакцијата на ESPORTS.MK.

Поврзани објави

Следете не

НАЈПОПУЛАРНИ ОБЈАВИ

ПРИЈАТЕЛИ НА ESPORTS.MK