Шампионот во EBL-лигата ŠAIM SE SuppUp стигна до својата втора последователна победа на EU Masters совладувајќи го G2 Arctic, академијата на најтрофејната европска LoL организација на сите времиња, G2 Esports.
Во мечот од третото коло од групната фаза на EU Masters, SuppUp успеа да победи уште еден фаворит, а овој пат тоа беше шпанскиот G2 Arctic. Натпреварот започна со внимателна игра на двата тима, а SuppUp прв оствари предност со ганковите на топ лејн. SuppUp продолжува да ги добива почетните борби и по 15 минути игра ја зголемуваат предноста на 6-0, а G2 за утеха успева да земе два змеја што им дава надеж за Dragon Soul win condition во подоцнежната фаза на играта.
Помеѓу 20-та и 30-та минута, SuppUp претпазливо го притиска противникот и ја чека вистинската можност за Baron, што конечно се случи по половина час игра, но Jinx успеа да го украде и да го врати G2 во игра . G2 Arctic успева да го стигне SuppUp во златото, но тоа не направи значителна разлика затоа што во следната борбата која започна на мид лејн , SuppUp успеа да земе три убиства и да ја уништи базата на противникот и со тоа освои нови важни поени.
