![SoNNeikO и No[o]ne во Na’Vi, AS Monaco Gambit ќе игра со замени на AniMajor](https://esports.mk/wp-content/uploads/2021/05/soneko-noone-navi-680x365_c.jpeg)
Изненадување од тимовите од Источна Европа. Vladimir “No[o]ne” Minenko и Akbar “SoNNeikO” Butaev го напуштааат AS Monaco Gambit за да играат за Na’Vi на AniMajor и во квалификациите за The International 10.
#ASMGMB #GambitDota2 roster changes ahead of #WePlayAniMajor ⚠ pic.twitter.com/9w35f2XTPb
— Gambit Esports (@GambitEsports) May 25, 2021
Само една недела пред почетокот на AniMajor, AS Monaco Gambit објави дека двајца клучни играчи го напуштаат тимот. SoNNeikO подолг период не бил задоволен со резултатите на тимот, но останал до крајот на втората DPC сезона, кога и му заврши договорот со овој тим. Stanislav “633” Glushan и Artem “Lorenof” Melnick ќе бидат замени за SoNNeikO и No[o]ne во тимот.
По објавата дека ќе го напушта тимот, SoNNeikO го изјави следното:
По првите три порази од втората DPC сезона, го информирав раководството на тимот и самите играчи дека повеќе не верувам дека овој тим ќе реди успеси. Се договоривме да ја доиграме сезоната заедно, но јас се отргнав од капитенската улога, No[o]ne стана одговорен за драфт и координација во тимот, и така успеавме да се квалификуваме за AniMajor, но јас нема да учествувам на овој Major со овој тим. Сакам да им се извинам на моите соиграчи и им посакувам многу успеси на овој турнир.
За помалку од еден час одкако беше објавено дека No[o]ne и SoNNeikO го напуштаат AS Monaco Gambit, Na’Vi објавија дека се разделуваат со Bogdan “Iceberg” Vasilenko и Andrii “ALWAYSWANNAFLY” Bondarenko, а SoNNeikO и No[o]ne ќе бидат нивни замени. SoNNeikO им е добро познат на навивачите на Na’Vi со оглед на тоа што играше долги години во овој тим, а оваа примена повторно го спојува No[o]ne, со Roman “RAMZES666” Kushnarev и Vladimir “RodjER” Nikogosyan, играчи кој играа заедно во Virtus.pro и имаа големи успеси со овој тим.
Our #Dota2 roster can't go on without changes. Read the details on our website.
📰: https://t.co/WBEgUeszHt#navination pic.twitter.com/oat7TN7StI
— NAVI (@natusvincere) May 25, 2021
Останува да видиме како овие промени ќе влијаат врз перформансот на двата тима на AniMajor.
