Најголемиот еспорт турнир ќе биде одржан на Балканот поточно во Романија.
Десетиот по ред The International требаше да се одржи во Шведска, но пред две недели беше објавено од Valve дека е потребно да се бара нов домаќин поради што не беше можно да се пронајде олеснителна околност околу патните исправи на играчите.
Иако помеѓу фанови се претпоставуваше дека домаќини ќе бидат Русија или Украина, одлуката на крај падна на Романија.
The International 10 ќе биде одржан на националниот стадион во Букурешт кој е домаќин на романската фудбалска федерација. Стадиот може да угости 55.000 гледачи, а е отворен во 2011 година.
Иако Valve најде брзо решение, The International 10 ќе биде одложен за октомври наместо август како што беше претходно планирано.
Групната фаза ќе се игра од 7 до 10 октомври, додека плејоф фазата ќе започне на 12 октомври. Големото финале е закажано за 17 октомври каде што и ќе го имаме новиот TI шампион.
We are thrilled to announce The International 10 – Dota 2 Championships will be held this October in Bucharest, Romania — https://t.co/SiavI2o1Al pic.twitter.com/dzaQgyejdZ
— DOTA 2 (@DOTA2) July 7, 2021
