ESPORTS.MK

Почнуваат регионалните квалификации за СП, први противници ни се Албанија и Косово

Почнуваат регионалните квалификации за СП, први противници ни се Албанија и Косово
септември 11
13:40 2021

По големиот успех што го постигнавме како држава на Европскиот Куп на Нации каде го освоивме првото место во Counter Strike: Global Offensive со нашата репрезентација, и со освоеното солидно четврто место од страна на Давид Гаревски во PES2021, дојде редот кога нашите репрезентативци ќе играат во регуларниот дел од регионалните квалификации за претстојното Светско Првенство што ќе се оддржи во Ејлат, Израел.

Официјалните наслови кои ќе се играат на Светското Првенство се CSGO, Dota2, PES21 и Tekken7. Нашите репрезентативци досега со добро познати на јавноста односно тимовите на BLUEJAYS (CSGO) и Blade Esports (Dota2) и нашите индивидуални претставници односно Давид Гаревски (PES21) и Стефан Глигоров (Tekken 7).

Регионалните натпревари во склоп на СП се закажани да се одиграат од 11 септември до 11 октомври, а први ние ќе го скршиме мразот во групата Б против репрезентациите на Албанија и Косово во Dota2.

Првите меч во Dota2 е закажан за денес со почеток од 19:30 часот и ќе се емитува пренесува на официјалниот Twitch канал на МЕСФ, twitch.tv/mesf_tv.

Да им посакаме среќа на нашите атлети на претстојните игри со надеж дека ќе ја минат оваа фаза од СП и дека ќе се квалификуваат за главниот настан.

 

© ESPORTS.MK. Сите права се задржани.

Содржината на оваа објава не смее да се копира, печати, менува или објавува без претходно одобрение од редакцијата на ESPORTS.MK.

Поврзани објави

Следете не

НАЈПОПУЛАРНИ ОБЈАВИ

ПРИЈАТЕЛИ НА ESPORTS.MK