Mihail “twohoyrz” Petkov е официјално новиот мид лејнер на академијата на LEC тимот SK Gaming, за која следната сезона ќе игра во германската LoL лига.
Бугарскиот мид лејнер, кој навивачите претходно го паметат како Shripela, ја одигра можеби најдобрата сезона во кариерата во дресот на SuppUp SHAIM SE, која ја круниса со EBL титула, а потоа и со топ 8 финиш на EU Masters.
Овој искусен играч кој ја започна својата кариера во тимот GPlay.bg, а потоа играше за KlikTech, X25, WarKidZ E-Sports, Random 5 и Split Raiders, ќе го замени германскиот Dirk „ZaZee“ Mallner.
Групата фаза на пролетниот шампионат од PRM-лигата SK Prime ја заврши на четвртото место со резултат 10-8, но тие беа елиминирани на стартот од плејофот каде беа поразени од Schalke 04 Evolution.
