ESPORTS.MK

G2 Esports се победници на Red Bull Home Ground

G2 Esports се победници на Red Bull Home Ground
февруари 01
14:19 2021

G2 Esports се победници на првиот VALORANT турнир организиран од Red Bull.

Финалниот меч помеѓу G2 Esports и Team Liquid беше толку многу изедначен што мораше да се одигра и петтата мапа од BO5 серијата.

Првата мапа беше Icebox и на неа двата тимови се покажаа дека се спремни за ова финале, но после долги битки, Liquid успеа да го затвори резултатот со 14:12.

Heaven беше исто така тесна мапа но повторно Liquid покажаа дека се подобри и поспремни од нивниот противник па затоа крајниот резултат беше 13:11 за Team Liquid.

Кога сите мислеа дека G2 Esports се имаат откажано и дека Ascent е последна мапа на овој турнир, тие некако успеаја да се вратат во мечот и да издвојат победа од 13:10.

Видно мотивирани од Ascent, G2 Esports на Split конечно ја оправдаа фаворитската позиција на овој настан и резултатот го затворија со висока победа од 13:6.

На последната мапа, Bind, Team Liquid изгледаа како да се имаат разочарано од претходните две мапи и како воопшто да не сакаат да го освојат ова финале и овој турнир. Но затоа нивните протовници беа толку многу желни за овој трофеј што на крај резлутатот на петтата и последна мапа беше 13:3 за G2 Esports.

После оваа победа и овој турнир, G2 се смета дека е најдобриот тим во Европа и еден од најдобрите во светот. Но сепак без офлајн турнири тешко е да се утврди колку се добри G2 Esports на меѓународната сцена.

 

© ESPORTS.MK. Сите права се задржани.

Содржината на оваа објава не смее да се копира, печати, менува или објавува без претходно одобрение од редакцијата на ESPORTS.MK.

Поврзани објави

Следете не

НАЈПОПУЛАРНИ ОБЈАВИ

ПРИЈАТЕЛИ НА ESPORTS.MK